Romeo og Julie, graut og kaker
December 20th, 2005 at 21:49 (Den kulturelle skolesekken, Pop og rock med blokk)
No har eg juleferie, etter veker med intense førebuingar til juleavslutninga. Vi har snekra, malt, sydd, baka, pynta, øvd på skodespel, blokkfløyte og sang. Og i går skulle vi vise alt vi hadde gjort til foreldra. Verken S., R. eller eg fekk sett framsyninga av Romeo og Julie (vi styrte backstage), men eg trur det gjekk bra likevel. Alt i alt må eg seie at det var eit vellukka arrangement med god underhaldning og mengder av graut og kaker og anna god mat. Festrusen sov eg ut hos rektor S., sidan det ikkje går kveldsferje på måndagar.