Ekte vinter - endeleg!
January 20th, 2007 at 17:43 (Natur og miljø)
I dag snør det tett. Svært tett. Faktisk så tett at eg måtte køyre i 10 km/t for å sjå kor eg køyrde. I tillegg sette eg meg fast i bakken på veg opp til snuplassen. Dei som kjenner meg veit at eg ikkje er noko glad i å køyre bil i oppoverbakkar på vinterføre, og då bilen byrja å spinne like før eg nådde toppen av bakken, var ikkje hyperventileringa langt unna. Heldigvis har eg ein hjelpsom mann, som faktisk er brukande som bilbergingshjelp, sjølv om han ikkje har lappen.
Det har kome om lag 40 cm nydeleg puddersnø i løpet av dagen, og meir ser det ut til å bli. I morgon inviterer A. til skileik og pølsegrilling, og eg ser fram til skiturar under nordlyset og kveldsturar på knirkande snø. Kanskje vi til og med må kjøpe oss eit akebrett?
Marie BA said,
January 21, 2007 at 10:13
så herlig!! nå har snøen kommet til Oslo også, og i går var Mona, Rita og jeg på skitur og passerte Bjørn Dæhlie
slå den, du!!! tror nok ikke Mona heller var så mye over 10km-en på bilturen hjem!! bra å høre at det kommer litt vinter rundtforbi, så får dere kose dere med skileik og pølsegrilling i dag!