.. og sånn går no dagane .. og sånn går no dagane .. og sånn går no dagane

Bryllaup 1

admin — Tue, 15 Jul 2008 19:15:22 +0000

I Lillesand var det varmt og flott sumarvêr og god stemning blant bryllaupsgjestane. Oppladinga på Eiet var også upåklageleg med god barnevakt av oldeforeldre, kirsebær frå hagen og fersk makrell til middag. Vi fekk også ein kort tur ut på Tromøya, men båtturen regna vekk.

Mor, barn og markjordbær.

Dei lukkelege nygifte.

Las chicas.

Ein pust i skuggen før middagen. Aili får merksemd frå både chilenarar og italienarar.

Dåp

admin — Tue, 15 Jul 2008 19:13:10 +0000

22. juni var det tid for Aili å verte medlem av Kyrkja, den norske. Saman med sju andre dåpsborn og full kyrkje vart det høgt volum på song og skrik. Etterpå var det mat, kaker og samver i Langeberget.

Prest, foreldre, Aili og fadrar.

Den vesle familien ™

Aili posere i det grøne med 100 år gamal dåpskjole.

Overflodssamfunnet/Erease it

admin — Wed, 09 Jul 2008 13:11:14 +0000

Då eg var yngre, samla eg også på ting og tang. Dei hadde dog vesentlig mindre verdi enn dagens vinsamling. Det begynte med “fine” steinar, prislappar, kassalappar, klistremerkje, frimerkje og viskelær. Viskelærsamlinga kom for ein dag då eg kikka i gamalt rot. Her er noko av samlinga. Eg likte godt desse som ser ut som is, og som det står “Non-Toxic Don´t eat” på.

Nostalgia 1/Knips

admin — Sun, 15 Jun 2008 14:17:24 +0000

Vi har flytta, og gamle ting dukkar opp/kjem til overflata. Trufaste lesarar av bloggen har kanskje lagt merkje til at det i nyare tid har blitt posta meir bilete. Dette har jo samband med at eg no ikkje lenger må ta vegen om skanning av emulsjonsbasterte bilete, men kan via kabel overføre dei rett frå fotoapparatet. Nye tider altså.

Noko av det minste og festlegaste eg har kjøpt i Lille Øvregaten 4.

Cosina CX-2 var model for russiske Lomo og hadde motor som ekstrautstyr!

Eit polaroidkamera funne i Masfjorden. Har ikkje prøvd om det funkar.

Lubitel 166, sjarmerande men upålitelig russar.

Leica CL, utrangert etter eit ublidt møte med havet utanfor Sør-Afrika.

Hermanas

admin — Sun, 15 Jun 2008 09:06:08 +0000

Etter at eg fekk ny sivil status, før: gift, no: gift 1 barn, har hendene vore fulle av alt anna enn bøker og lesing. Den einaste boka eg har lese etter januar er Vegen til førerkortet, og det var ingen pageturner, for å seie det sånn. Men på biblioteket fann eg fram litt på måfå til Hermanas av Torgrim Eggen. Ein roman om ein ung poet sin oppvekst på Cuba på 70- og 80-talet. Sentrale tema er kjærleik, sensur og politikk, ispedd litt sex og nokre historiske faktaboksar. Fyrst og fremst er det ei bok med 60% kjærleik og 70% beisk kritikk til Cuba, og regimet som styrer landet. God bok. Spring og lån hjå din næraste bokbuss.

Attende mellom sju fjell

admin — Tue, 03 Jun 2008 09:42:50 +0000

Ja då var vi tilbake i Bergen. Veret er upåklagelig, men noko varmt. Eg har observert fleire som har kunstig vatning av plen og blomar, og det er ikkje ofte dei treng i Bergen. Framleis står det meste på hovudet i leiligheita, men vi har no fått måla veggar og tak, og er godt nøgde med resultatet. Stor takk til Frode, Siri og Øyvind. No vert det litt pendling til Voss, men det får gå. Må på biblioteket å få lånt meg ei bok til togturane. Nokon som har tips?

Dei siste dagar her nord

admin — Tue, 27 May 2008 19:29:31 +0000

Dette vert nok den siste postinga frå Rypefjord. I morgon reiser bilen, på torsdag går flyttelasset og fredag flyr vi. Leiligheita er fyllt opp med kassar og øskjer, og lausøyre flyt rundt i påvente av å kome i dei siste eggkassane. Om lag 23 banankassar er allereie fulle, og det vert ein god del fleire. I bilen vert det no stappa det vi er gode for.

På laurdag var vi ein tur på Seiland og var innom laurdagskaféen på butikken i Hønseby. Randi fekk også besøk og vi fekk kaffi og heimelaga kaker.

I dag var eg i Alta og fekk prøve meg på glattkøyringsbana, og det vart cruiseing over Sennalandet i 90 og vel så det. Eg køyrde ikkje på rein, men rett før Grøtnes køyrde eg nedi eit hol i asfalten og punkterte høgre bakhjul.. Så var det fram med jekk og greier. Køyrelæraren tok det heldigvis fint, han har nok til salt i grauten og vel så det.

Ingeborg og Aili tek ferja. Quiz: Kva bok av godt likt vestlandsforfattar vert det hinta til i bileteteksten?

Hønseby i mai.

Grunnlovsdagen i bilete og tekst

admin — Sat, 17 May 2008 19:31:57 +0000

Ja, siste 17. mai her nord vart kald og våt, men vi held oss klokeleg innandørs det meste av dagen. Andre var ute og gjekk i tog i snøføyka. Ikkje har eg ete is heller. Men vi har så heldige å bli invitert til brunsj hjå Fredrik og Marte på Molla. Vi var så vidt komne inn døra før ein gynekolog på vakt serverte Lanson Gold Label 1996! Elles var det mykje godtfolk og god mat.

Smil, vink, snø og norske flagg

Godtfolk og god stemning

Fyrste 17. mai for Aili, nr 29 for far

Kald for togreisande i Hammerfest

Best å halde seg innandørs..

.. sjølv om Fredrik og Marte har kongebalkong

Over til Stian og Merete var det høg familiefaktor og sekkelaup i hagen

Og eggelaup i åttetalsløype

Eg fekk også vere med!

Fiskedam! Fiskedam!

Raskt skifte/Glatt føre

admin — Mon, 12 May 2008 19:25:52 +0000

Hadde besøk av H og A i helga, og sjølv om det var høgtid, var det på høg tid å legge om til sommardekk på bilen. Så A og eg fekk jobben gjort i ein fei, medan snøen lava ned. La også merke til at mønsterdjupna på bakdekka var farlig grunn. Vi må nok belage oss på eit lite utlegg til to nye dekk.. Så no snøar det tett, og vi har to dekk utan mønster. He he. Let’s hit the road! Kanskje er det tida for å lære seg brekksladd?

Smiley Aili

admin — Sat, 03 May 2008 20:55:59 +0000

“Hurra! Det vart ja i uravrøystinga i LO for det framforhandla forslaget.”

“Men kva vil AFP-ordinga seie for meg når eg vert gamal?”