Dei siste dagar her nord
Dette vert nok den siste postinga frå Rypefjord. I morgon reiser bilen, på torsdag går flyttelasset og fredag flyr vi. Leiligheita er fyllt opp med kassar og øskjer, og lausøyre flyt rundt i påvente av å kome i dei siste eggkassane. Om lag 23 banankassar er allereie fulle, og det vert ein god del fleire. I bilen vert det no stappa det vi er gode for.
På laurdag var vi ein tur på Seiland og var innom laurdagskaféen på butikken i Hønseby. Randi fekk også besøk og vi fekk kaffi og heimelaga kaker.
I dag var eg i Alta og fekk prøve meg på glattkøyringsbana, og det vart cruiseing over Sennalandet i 90 og vel så det. Eg køyrde ikkje på rein, men rett før Grøtnes køyrde eg nedi eit hol i asfalten og punkterte høgre bakhjul.. Så var det fram med jekk og greier. Køyrelæraren tok det heldigvis fint, han har nok til salt i grauten og vel så det.
Ingeborg og Aili tek ferja. Quiz: Kva bok av godt likt vestlandsforfattar vert det hinta til i bileteteksten?
Hønseby i mai.
mai 27th, 2008 at 23:25
lykke på reisa!
mai 29th, 2008 at 19:41
Eline og [eit anna jentenamn] tek ferja av Ragnar Hovland? Ei rar men fin bok.
mai 29th, 2008 at 22:39
Riktig Ola! Eline og Julie tar ferja, frå 1994. Ein slags krim, med underleg midtparti og fin og lun slutt. Godaste Raggen har vel i det heile tatt ein del underlege sluttar på bøkene sine.
mai 30th, 2008 at 13:24
Kjære venner!
)
Takk for denne gang! Dere vil være savnet, og vi tar vare på gode minner! Vil følge nøye med på bloggene deres, så vær flink å oppdatere
Klem fra oss 4 i Isveien, som ønske dere 3 lykke til i vest
juni 11th, 2008 at 22:02
Eg tenkte på Kjærleikens ferjereiser, eg: Men skjønar eg er for seint ute til å vinne prisen for første rette svar, og når det til overmål var feil…